Bjørn West-marsjen 2010

Ein startar frå Matre som ligg ved E39, om lag 85 km frå Bergen og 25 km frå Oppedal. Frå Matre går det kontinuerleg bussar til Litle-Matre-stølen, som er startstad for den 15 km lange turen som går gjennom vakkert fjellterreng fram til Stordalen Fjellstove.

Bjørn West-marsjen er til minne om hendingane i Masfjordfjella mot slutten av andre verdskrigen, og marsjruta er lagt forbi mange av dei historiske stadene der Bjørn West-soldatar heldt til og kjempa mot dei tyske okkupantane.

Meir informasjon om Bjørn West finn du på Bjørn West-museet sine heimesider.