Turmål: Lom - Kleive
Kleive - Kleivavegen
Enkel og fin tur langs den gamle ferdselsvegen mellom Vågå og Lom.
Start ved garden Bjørgen, som ligg ved setervegen som tek av RV15 i Garmo (skilta til Brimi Fjellstugu). Kleivavegen tek av austover omlag 100m etter bommen. Følg denne gamle vegen i omlag 800 meter og du er ved turmålet - Kleive.
I berget like ved turmålet kan du finne ein kross og ein ring som er rissa inn i berget. Dette skal i følgje ei segn skrive seg frå da Heilag Olav passerte bygda på si kristningsferd.
Langs Kleivavegen er det også oppsett tavler med sitat frå Knut Hamsun. Desse tavlene er oppsett av elevar ved Garmo Skule i høve Hamsunjubileet i 2009.
Frå turmålet kan du fortsetja stigen vidare austover til Storrviksøygarden i Vågå.
Logg inn eller opprett brukerkonto for å kommentere.
Mer informasjon om turen
